უნიკინო

ამაწლის 1 ივნისს ჭავჭავაძის უნივერსიტეტში კინო-კლუბი "უნიკინო" გაიხსნა. მას შემდეგ ყოველ პარასკევს სტუდენტებს საშუალება ეძლევათ მსოფლიო კინემატოგრაფიის შედევრები იხილონ.ილია ჭავჭავძის სახელმწიფო უნივერსიტეტის რექტორის, ბატონი გიგი თევზაძე აზრით "უნიკინო" ხელს შეუწყობს სტუდენტების ცხოვრებისეული თვალსაწიერის გაფართოვებას და ზოგად განათლებას. ჩვენება გადის პარასკევობით 18 საათზე,რადგან ამ დროს სტუდენტების უმრავლესობა თავისუფალია. უნიკინოს უკვე ჰყავს მუდმივი მაყურებელი, რომლებიც თითქმის ყველა ჩვენებას ესწრებიან. მათი თქმით ამ პროექტმა უფრო გაალამაზა სტუდენტური ცხოვრება.
ფილმების შერჩევაში სტუდენტებსაც შეუძლიათ მონაწილეობის მიღება თუ unmailto:unikino@iliauni.edu.ge მისამართზე გააგზავნიან თავიანთ შეთავაზებებს.
პარასკევს 11 დეკებბერს კი ”უნიკინო” წარმოგიდგენთ ფილმს "დონ ჟუან დე მარკო" ჯონი დეპის, მარლონ ბრანდოს, ფეი დანაუეის მონაწილეობით. ფილმი არის რომანტიკული მელოდრამა, რომელიც ხანში შესული ექიმი-ფსიქიარისა და მისი ახალგაზრა პაციენტის ურთიერთობის შესახებ მოგვითხრობს. ახალგაზრდა პაცინტი, რომელიც თავს დონ ჟუანად მიიჩნევს , ექიმს ახალგაზრდულ სულს, სიხალისესა და იმედს უბრუნებს.
რაც მთავარია კინოჩვენებაზე დასწრება თავისუფალია.