ილია ჭავჭავაძის სახელმწიფო უნივერსიტეტში დაგეგმილი ღონისძიებები

ილია ჭავჭავაძის სახელმწიფო უნივერსიტეტში ბოლო ერთი კვირის განმავლობაში არაერთი სიახლე გამოქვეყნდა, როგორც ფოიეში, ასევე უნივერსიტეტის ვებ-გვერდზე. გადავწყვიტეთ თითოეულ განცხადებას გავცნობოდით. აღმოჩნდა, რომ განცხადებათა უმეტესობა თვითმართველობის მიერ მოწყობილ ექსკურსიებსა და კონკურსებს ეხება. გთავაზობთ თითოეულ მათგანს:
ილია ჭავჭავაძის უნივერსიტეტი აცხადებს კონკურსს საზოგადოებასთან ურთიერთობის სამსახურში, ღონისძიებების კოორდინატორის თანამდებობაზე.
სტუდენტური კლუბი აცხადებს მიღებას შემდეგ წრეებში:
1. ქართული ხალხური ცეკვები
2. დრამატული
3. მომღერალთა გუნდი
4. გიტარაზე დაკვრის შემსწავლელი
5. საესტრადო ანსამბლი
6. დასარტყამ ინსტრუმენტებზე შემსწავლელი
სწავლა ფასიანია, მსურველებმა მიაკითხეთ კლუბის დირექტორს 10 სთ-დან 16 სთ-მდე.
ასევე ბიზნესისა და სამართლის ფაკულტეტის ბაზაზე არსებული მომავალ ეკონომისტთა სტუდენტური კლუბი-FESC აცხადებს კონკურსს თემებზე:
1. ბიზნესი და ბიზნეს გარემო საქართველოში
2. რეკლამის როლი ბიზნესში
3. ბიზნესის დაზღვევის არსი და მნიშვნელობა
4. კომერციული ბანკების მიზნები და გამოწვევები საქართველოში
ნაშრომი მიიღება 23 ნოემბრის ჩათვლით.
გაცნობებთ, რომ სტუდენტურ იურისტთა კლუბის S.L.C-სა და სტუდენტური თვითმართველობის ინიციატივით და ორგანიზებით ხორციელდება პროექტი ”სამართლის სფეროში არსებული პრობლემატიკა”. პროექტის ფარგლებში ილია ჭავჭავაძის სახელმწიფო უნივერსიტეტის სტუდენტებს შეგიძლიათ წარმოადგინოთ თემები იმაზე თუ, როგორ ხედავთ დღეს ქართულ სამართლებრივ სისტემაში არსებულ პრობლემებს. კომპეტენტური ჟიურის მიერ შეირჩევა 10 საუკეთესო ნამუშევარი. პირველი სამი ადგილის მფლობელები მიიღებენ სიგელებს და სამახსოვრო საჩუქრებს.
უნივერსიტეტში ასევე ტარდება ლიტერატურული კონკურსებიც. მაგალითად: UNI-პოეზია 2009 გაცნობებთ, რომ სალექციო კურსის ,,რა არის პოეზია, პოეტებისა და მუზები”-ს ფარგლებში ტარდება ლიტერატურული კონკურსი. შემოქმედ სტუდენტებს გთხოვთ წარმოადგინოთ მხატვრული ნაწარმოებები(მაქსიმუმ 10 გვერდი, პოეზია ან პროზა)
გარდა ასეთი განცხადებებისა, ასევე ვხვდებით პრეზენტაციაზე მისაწვევ განცხადებებსაც. ასე მაგალითად: გიწვევთ ანა კალანდაძის ახალი წიგნის პრეზენტაციაზე. ასევე 17 ნოემბერს 19:00 საათზე თუმანიშვილის თეატრის ფოიეში გამომცემლობა ,,ინტელექტი” გიწვევთ წიგნის პრეზენტაციაზე. ბილეთის შეძენა შეგიძლიათ უნივერსიტეტის საგარეო ურთიერთობების სამსახურში, ოთახი N333. ფასი 2 ლარი.
და ბოლოს, გაგაცნობთ ინფორმაციას, რომელიც ეხება საპატრიარქოს წმ. გაბრიელ ეპისკოპოსის სახელობის ფლიქოლოგიური დახმარების ცენტრის მიერ გამოქვეყნებულ განცხადებას, რომელიც ატარებს ტრეინინგებს შემდეგი მიმართულებებით:
1. საეკლესიო ფსიქოლოგია
2. ფსიქოთერაპია
3. არტთერაპია
4. ორგანიზაციის ფსიქოლოგია

ავტორები:
ჩოხელი ქეთი
პერტაია მარი